Charles the Child
| Charles | |
|---|---|
| King of Aquitaine | |
| Born | 847/848 |
| Died | 866 Buzançais |
| Spouse | Wife |
| Father | Charles the Bald |
| Mother | Ermentrude of Orléans |
| Charles | |
|---|---|
| Eze nke Aquitaine | |
| A mụrụ | 847/848 |
| Nwụrụ | 866Buzançais |
| Nwunye Ya | Nwunye |
| Nna ya | Charles Onye isi nkwọcha |
| Nne ya | Ermentrude nke Orléans |
Charles the child maọbụ the Young (847/848 - 29 Septemba 866) bụ Eze nke Aquitaine site na Ọktoba 855 ruo ọnwụ ya na 866.
Onye a mụrụ na Frankfurt am Main, Charles the Child bụ nwa nwoke nke abụọ nke Charles the Bald na nwanne nwoke nke Louis the Stammerer. Nna ya họpụtara Charles nke obere, onye chịburu n'oge gara aga dị ka Eze nke Aquitaine n'onwe ya site na 838, dị ka sop na nkewa nke Aquitaine. Ndị Aquitaine enupụrụbuola Charles the Bald isi, na-arịọ Louis the German ka o zipụ otu n'ime ụmụ ya ndị nwoke ka ọ chịa ha. Louis zigara nwa ya nwoke nke abụọ, Louis the Younger, na-akpali Charles the Bald ịtọhapụ onye ya na ya na-azọ ka ọ gawa Aquitaine, Pipin nke Abụọ. Pippin mechara gaa n'ihu ịchịkọta ndị a ma ama iji kwado onwe ya na Charles the Bald megide Louis the Younger, onye a chụpụrụ. Otú ọ dị, ka ọ na-erule n'ọnwa Ọktoba, Pippin tụfuru iwu ewu ya n'etiti ndị Aquitaine ka na-enupụ isi, na-akpali Charles the Bald ịhọpụta Charles the Child dị ka Eze. E tere Charles the Child mmanụ n'ụzọ kwesịrị ekwesị na Limoges. N'ime otu afọ, ndị Aquitaine ejirila Pippin nke Abụọ dochie ya. Otu ndị a wepụkwara Pippin n'ọchịchị ma weghachite Charles the Child. E jidere Pippin na 864 ma tụọ ya mkpọrọ na Senlis, ebe ọ nọzi pụọ n'anya n'akụkọ ihe mere eme.
N'adịghị ka ala eze nta nke Aquitaine chịburu, (Louis the Pious, Pippin I, Pippin II), Charles the Child enweghị ezigbo ikike ọbụla. Tupu 840, eze nweere onwe ya nọbu na-achị alaeze ahụ n'onwe ya; Otú ọ dị, Charles the Bald, mgbe ọ batachara n'ọkwa dịka Eze nke Western Francia, gbalịrị ịnọgide na-enwe ike na Aquitaine. N'ihi ya, Charles the Child, na nwanne ya nwoke Louis the Stammerer, achịghị n'onwe ha, enweghị chancery, enweghị ike ịnye ngwáọrụ ọbụla; ha enwenwughịzi ike inye ihe ùgwù ọbụla, inye maọbụ ihiwe ụlọ okpukpe, maọbụ wepụ ihe onwunwe eze. E tinyere ikike niile nke mpaghara ahụ na Charles the Bald, onye ọ bụ na mgbe ọ na-anọghị ya, ndị a ma ama nke ahụ nwetara ike.
Ka o sina dị, ka Charles na-etolite, ọ malitere igosi obere ikike o nwere ike. Dịka ọmụmaatụ, na 862 ọ họọrọ ma lụọ nwunye megide ọchịchọ nna ya. A maghị aha nwunye ya, ọ bụ ezie na o doro anya na ọ bụ nwanyị di ya nwụrụ nke bụ otu Count aha ya bụ Humbert. Charles the Bald gosighachịrị ike ya n'elu nwa na nwoke na 863, na-amanye Charles nke obere ịchụpụ nwunye ya ma rubere nna ya isi. Otu afọ mgbe nke ahụ gasịrị, otu onye so n'òtù ịchụ nta nke ya ji mma agha tie ya n'isi na mberede n'ọgụ egwuregwu, nke mere ka Ado nke Vienne kwuo na "Charles bụ onye e mere ihere (dehonestatus) site n'ịta ya bụ ahụhụ". Ihe a mere ka o nwee isi mgbaka ruo mgbe ọ nwụrụ na 866. Ọ nwụrụ n'amụtaghị nwa naBuzançais a ma lie ya na Bourges .
Ihe edeturu
[dezie | dezie ebe o si]Ebe e si nweta ihe Ndị E Dere
[dezie | dezie ebe o si]- Callahan, Daniel F. "Eleanor nke Aquitaine, usoro omenala ikpunye Okpueze nke ndị Duke nke Aquitaina na Okpukpe nke Saint Martial nke Limoges" (pp. 29-36). The World of Eleanor of Aquitaine: Literature and Society in Southern France between the Eleventh and Twelfth Centuries, edd. Marcus Bull na Catherine Léglu. Woodbridge: Boydell Press, 2005.
- Goldberg (2021). "'A Man of Notable Good Looks Disfigured by a Cruel Wound': The Forest Misadventure of Charles the Young of Aquitaine (864) in History and Legend", in Rutger Kramer: Historiography and Identity III: Carolingian Approaches, Cultural Encounters in Late Antiquity and the Middle Ages. Brepols, 355–386. DOI:10.1484/M.CELAMA-EB.5.120170. ISBN 978-2-503-58655-7.
- Halsall, Guy. Warfare and Society in the Barbarian West, 450–900. London: Routledge, 2003.
- McKitterick, Rosamond Alaeze Frank n'okpuru ndị Carolingian.