Christopher Okojie
Christopher G Okojie OFR DSc (1920-2006) bụ dọkịta Naijiria, onye ndọrọ ndọrọ ọchịchị, onye nchịkwa na ọkọ akụkọ ihe mere eme. A mụrụ ya na Ugboha, nke bụ steeti Edo ugbu a, Naịjirịa. Ọ bụbu onye ndú nke Mid-West Regional House of Assembly site n'afọ 1964 ruo 1966. Ọ bụbu Minista Ahụike nke ala Naijiria (1992) na onye isi oche nke Nigerian Medical Association (1974-1975). Dị ka minista, o nyere aka n'ịkwalite atụmatụ ahụike nke mba (National Health Insurance Scheme). Ọ nwụrụ n'Ọktoba 7, 2006, mgbe ọ dị afọ iri asatọ na isii. N'oge ọ bụ minista, o wetara okporo ụzọ na mmiri si n'ala agbapụta nye ndị Esan.
Ọ bụ nnukwu onye òtù National Postgraduate Medical College of Nigeria (2002), nnukwu onye òtù International College of Surgeons na onye òtù Population Council of New York .[1] N'afọ 1964, iji kwado ọrụ ya na mba ahụ, e nyere Okojie nsọpụrụ mba nke Officer of the Order of the Federal Republic (OFR). [2]
Ọrụ
[dezie | dezie ebe o si]Dr Christopher Gbelokoto Okojie hapụrụ Colonial Service iji rụọ ọrụ n'etiti ndị ya, ndị ogbenye nọ n'ime ime obodo nke nkega Ishan (Esan) nke bụ steeti Edo ugbu a.[3] Ọ laghachiri n'ógbè ya wee malite Ụlọ Ọgwụ Ncheta Zuma na Machị 27, 1950, ọrụ onwe onye nke gbalịrị ịgbakwunye n'ọrụ ahụike na-ezughi òkè na ala Esan. Na mgbakwunye na ọrụ ya dị ka dọkịta, Okojie jiri akụkụ dị ukwuu nke oge ya na-eme nchọpụta ma na-edekọ akụkọ ihe mere eme, iwu na omenala ndị Esan. N'afọ 1960, o bipụtara nnyocha zuru oke banyere akụkọ ihe mere eme nke Esan, Esan Native Laws and Customs: With Ethnological Studies of the Esan People. Ọ rụrụ ọrụ ogologo oge ma dị mma ma gaa n'ihu na-elekọta ndị ọrịa mgbe ọ dị afọ iri asatọ na ise.[4]
Ndụ onwe onye
[dezie | dezie ebe o si]Ọ lụrụ Olayemi Phillips, ha wee mụta ụmụ adaa. Ụmụ ha gụnyere ndị nwanyị: Oseyi Oigboke, Anehita Akinsanya, Adesua Ilegbodu and Ebemeata Ani-Otoibhi na ndị nwoke: Isi Okojie, na ụmụ ejima Ihimire Okojie na Ehidiamen Okojie (onye nwụrụ na Disemba 2009). O nweere ma biri n'ogige obibi buru ibu, Zuma Memorial, dị na Irrua steeti Edo nke gụnyere ebe obibi nke ya, ụlọ ọgwụ (Zuma Memorial Hospital), ụlọ ụmụ ndị na-enweghị nné na nna yana ebe obibi ndị na-arụ ọrụ n'ụlọ ọgwụ yana ndị na-arụ n'ụlọ obibi ya. [citation needed]
Edensibịa
[dezie | dezie ebe o si]- ↑ Dr Christopher G. Okojie (30 June 2018).
- ↑ OKOJIE, Dr. Christopher Gbelokoto (1 July 2018).
- ↑ THE ESAN(NIGERIA)PEOPLE: FORTY-FIVE YEARS AFTER C.G.OKOJIE’S ISHAN NATIVE LAWS AND CUSTOMS (30 June 2018). Archived from the original on 30 June 2018. Retrieved on 1 July 2018.
- ↑ Okonofua (2006). "In Memoriam: Dr Christopher Gbelokoto Okojie". Journal of Medicine and Biomedical Research 5 (2).