Emeka Rollas Ejezie

Ejezie Emeka Rollas (MON) , nke a makwaara dị ka Emeka Rollas, bụ onye Naijiria na-eme ihe nkiri na onye mgbasa ozi. Ọ bụ onye isi oche nke Ndị na-eme ihe nkiri nke Naịjirịa ugbu a.

Mbido ndụ na agụmakwụkwọ

A mụrụ Emeka ma zụlite ya na steeti Anambra ma nọrọ ihe ka ukwuu n'oge ọ bụ nwata na mpaghara South-Eastern Naijiria. Ọzọkwa, ọ gụrụ akwụkwọ elementrị na sekọndrị ya n'ebe ahụ. Ọ gara n'ihu na agụmakwụkwọ ya na Federal Polytechnic Oko a ma ama na steeti Anambra. N'ebe ahụ, ọ gụrụ akwụkwọ ma nweta nzere Higher National Diploma na Mass Communication n'afọ 1993.

Ọrụ

Emeka Rollas malitere ọrụ ya na ụlọ ọrụ ime ihe nkiri Naijiria, ma ọ bụ Nollywood, n'afọ 1997 mgbe ọ na-amụ Mass Communication ma mahadum. Ọ bụ onye a ma ama nke ọma n'ime ihe ngosi ejije n'ụlọ akwụkwọ ya, ya mere ọ haziri ihe ngosi nkà na ihe nkiri nke ndị mmadụ si na ngalaba ya ga-ele ma sonye na ya. Nke a gara n'ihu ruo mgbe ọ malitere ihe nkiri sinima, nke mere ka oge niile ọ rụrụ ọrụ na ụlọ ọrụ ahụ bụrụ ihe dị ka afọ iri abụọ na ise.

N'abalị iri abụọ na abụọ n'ọnwa Ọgọst n'afọ 2017, ọ nwetara ọkwá onye isi oche nke òtù ndị na-eme ihe nkiri nke Naịjirịa, ma ọ bụ AGN. Nke a ga-esochi nhọpụta ya ọzọ maka otu ọkwa ahụ n'Ọktoba 31, 2019 yana ọzọkwa n'afọ 2022. A maara Emeka Rollas dị ka onye na-eme ihe nkiri kachasị jụụ n'ụlọ ọrụ ahụ. Ọzọkwa, ọ pụtala na ihe karịrị ihe nkiri iri ise kemgbe ọ malitere ọrụ ya. Ụfọdụ n'ime ihe nkiri ya a ma ama gụnyere "Hilda" na "The Mighty Woman" (ihe nkiri mbụ ya nke enyi ya, Nonye Okechukwu mere ka ọ mata), Last Warning (2002), Beyond Reason (2004), Douglas My Love (2004), Buried Emotion (2006), The Thing About Pain (2024)

Ihe Nrite

O nwetara ọtụtụ ihe nrite nsọpụrụ, nke ọtụtụ n'ime ha bụ iji kwụghachi ya ụgwọ maka ntinye ya na ngalaba ahụ. Ha gụnyere National Peace Award dị ka "Onye na-eme ihe nkiri kachasị n'udo" na Naịjirịa site na ndị ozi nke Peace Agency (2019)