Jean Rey (Onye Ndọrọ Ndọrọ Ọchịchị)

His Excellency Jean Rey
Rey in 1966
President of the European Commission
In office 2 July 1967 – 30 June 1970
Vice President	Sicco Mansholt
Preceded by	Walter Hallstein
Succeeded by	Franco Maria Malfatti
European Commissioner for External Relations
In office 7 January 1958 – 2 July 1967
President	Walter Hallstein
Preceded by	Position established
Succeeded by	Edoardo Martino
Personal details
Born	Jean Max Georges Rey (1902-07-15) 15 Julaị 1902 Liège, Belgium
Died	19 Mee 1983(1983-05-19) (aged 80) Liège, Belgium
Resting place	Brussels Cemetery, Evere, Brussels, Belgium
Political party	Liberal Reformist Party (1971–)
Other political affiliations	Party for Freedom and Progress (Before 1971)
Alma mater	University of Liège

Jean Rey ( [ʒɑ̃ ʁɛ]; 15 Julaị 1902 - 19 Mee 1983) bụ onye ndọrọ ndọrọ ọchịchị Belgium n'òtù Liberal onye jere ozi dị ka onye isi oche nke abụọ nke European Commission site na 1967 ruo 1970. Ọ rụrụ ọrụ dị ka kọmishọna Europe maka mmekọrịta mba ndị ọzọ site na 1958 ruo 1967. A gụrụ afọ agụmakwụkwọ 1983 ruo 1984 na College of Europe aha ya iji sọpụrụ ya.

Ndụ Mmalite

Onye a mụrụ na Liège n'ezinụlọ ndị Protestant, Jean Rey gụrụ akwụkwọ ọmụmụ iwu na Mahadum Liège, ebe ọ nwetara nzere PhD na 1926. Ọ malitere ọrụ ya dị ka onye ọka iwu na ụlọ ikpe mkpegharị ikpe na Liège. Nkwado ya nye Walloon Movement dọtara ya na ndọrọ ndọrọ ọchịchị. Ọ sonyeere ndị òtù Liberal a ma họpụta ya dị ka onye kansụlọ obodo nke Liège na 1935. N'afọ 1939, ọ meriri oche na ụlọ omebe iwu nke Belgium.

N'ihi Agha Ụwa nke Abụọ, ọ bụ otu n'ime ndị kwusiri okwu ike megide "iwu nke nnwere onwe" (anọpụ iche) nke gọọmentị Belgium na Eze Leopold nke Atọ kwadoro. A kwadoro ya dị ka onye ọrụ nchekwa na 1940 ma jee ozi n'oge Agha Belgium. Ndị Germany jidere ya ma nọrọ n'ọgụ ahụ fọdụrụnụ dị ka onye agha, a kpọchiri ya na Oflag XD dị nso na Fischbeck, ebe ọ bụ onye òtù Masonic Lodge L'Obstinée.

Ọrụ ya mgbe Agha Ụwa nke Abụọ gasịrị

Mgbe agha ahụ gasịrị, ọ kwadoro ka e mee ka Belgium bụrụ otu. Na ebe dịrị ka afọ 1947, ya na ndị omeIwu ise ndị ọzọ (nke Julien Lahaut so n'ime ha), kwalitere iwu gbasara nhazi nke Steeti gọọmentị etiti. Ọ bụrụ na e tie iwu a, Iwu ọhụrụ ahụ gaara agbanwe Belgium ka ọ bụrụ Njikọ nke nwere steeti abụọ, Flanders na Wallonia, na mpaghara gọọmentị etiti nke Brussels. Otú ọ dị, ihe ka n'ọnụ ọgụgụ n'ime ndị omeiwu Belgium jụrụ ịtụle atụmatụ ahụ.

Rey bụrụụ Minista na-ahụ maka nruzigharị ihe site na 1949 ruo 1950, na Minista na-ahụ maka akụnaụba site na 1954 ruo 1958. N'ihi ya, o so na mmalite mmepe nke European Coal and Steel Community na mkparịta ụka nke dugara n'ịmepụta European Economic Community (EEC) na European Atomic Energy Community (EAEC).

Onye òtù kọmitii (Hallstein Commission) nke CEE site na 1958 ruo 1967, na-ahụ maka mmekọrịta mba ndị ọzọ, ọ rụrụ ọrụ dị mkpa na ịhụ ọnụ akụ nke Kennedy Round (1964-1967).

N'afọ 1967, ọ nọchiri Walter Hallstein dị ka onye isi oche nke European Commission (ọ bụ onye isi oche mbụ nke Commission nke CSCE, CEE na EAEC e jikọtara ọnụ). Dika onye kwenyesiri ike na gọọmentị etiti, o mere mgbalị iji wusie ụlọ ọrụ obodo ike. O meriri ike dị ukwuu maka Nzukọ Ndị Omeiwu Europe ma kwadoo nhọpụta ya site na ntụli aka zuru ụwa ọnụ. N'oge ọ bụ onye isi oche, ọ hụrụ na e mezuru njikọ omenala (1968).

Ọ rụkwara ọrụ dị mkpa n'ọgbakọ nke The Hague na 1969, ebe ndị isi Europe kpebiri ịmaliteghachi njikọta Europe na atụmatụ ọhụrụ abụọ: n'otu aka, Economic and Monetary Union of the European Union (EMU), na n'aka nke ọzọ, European Political Cooperation (EPC), nke na-egosi euro na Common Foreign and Security Policy nke European Union nke dị taa. Ọ bụkwa na The Hague ka France kwụsịrị iguzogide ya megide ịbanye United Kingdom na EEC.

N'ikpeazụ, n'afọ 1970, afọ ikpeazụ nke ikike a, Rey nwetara nkwado nke gọọmentị Europe maka atụmatụ ya inye obodo ahụ "ihe onwunwe nke ya". Nke a pụtara na EEC anaghịzi adabere naanị na onyinye sitere na mba ndị mejupụtara ya, mana o nwere ike iji ego sitere na ụtụ isi, na ụtụ maka ngwaahịa ugbo sitere n'obodo ndị ọzọ, na mgbakwunye na òkè nke ego VAT.

Site na 1964 ruo 1974, Rey bụụrụ onyeisi oche bọọdụ nke Kọleji nke Europe dị na Bruges. Ọ bụ onye isi oche nke European Movement site na 1974 ruo 1978 ma bụrụ onye òtù Jean Monnet Foundation for Europe. N'afọ 1979, ọ ghọrọ onye òtù European Parliament mbụ a họpụtara site na ntụli aka zuru ụwa ọnụ.

Jean Rey nọgidekwara na-arụsi ọrụ ike na ndọrọ ndọrọ ọchịchị Belgium. Ọ ghọrọ onye isi awọ nke ndị na-asụ French bụ ndị kewapụrụ onwe ha pụọ n'òtù Party for Freedom and Progress iji guzobe Parti Réformateur et Libéral Wallon (PRLW) n'afọ 1976.

Jean Rey nwụrụ n'obodo ya bụ Liège. N'ebe obibi ndị Europe na Brussels, e nwere ebe a na-akpọ aha ya ugbu a. Otu okporo ámá dị na 15e arrondissement nke Paris na-aza aha ya kwa.

Edensibịa

• Jean Rey (EU)
• Adreesị nke Jean Rey nyere na njikọta nke ndị isi (Strasbourg, 20 Septemba 1967)