John Medley Wood

 

Koonu nwoke nke Encephalartos woodii

John Medley Wood (1 Disemba 1827 - 26 Ọgọst 1915) bụ onye South Africa mụrụ maka akụmakụ onye mere ntinye nke ukwuu na ihe ọmụma nke Natal ferns, a na-ekwukarị na ọ bụ ya guzobere Uba sugarcane nke nwere nchekwa ahụ megide nje sugar cane mosaic na Natal nakwa maka nnukwu nchịkọta ya nke osisi Natal.

Akụkọ Mmalite

A mụrụ Wood na Mansfield nye onye ọka iwu James Riddall Wood yana Hannah Healy Weaver. Nna ya lụrụ Mary Haygarth ọzọ wee kwaga Durban, John, onye nọrọ afọ asaa n'oké osimiri mgbe ọ hapụsịrị ụlọ akwụkwọ, sonyeere ya n'ebe ahụ n'afọ 1852. N'oge na-adịghị anya, ọ nwetara ala na ụlọ nke ya n'ọnụ Osimiri Umdhloti n'ebe mgbago ugwu Durban. N'ebe a, o ji ihe ọkụkụ ọhụrụ mee nnwale. N'afọ 1855 ọ lụrụ nwanne nwanyị obere nke nwunye nna ya, Elizabeth Haygarth .

N'ihi ihe gbasara ahụike, ọ kwagara n'ime ime obodo gaa na Inanda n'afọ 1868, ebe ọ mepere ụlọ ahịa ma na-arụkwa ọrụ ugbo. N'ebe a, ọ bịara nwee mmasị na cryptogams ma malite ịchịkọta ferns, mosses na fungi yana osisi ndị na-agbasa okooko. Ọ malitere idegara M.C. Cooke na Károly Kalchbrenner akwụkwọ ozi, ndị gụrụ mycology na Kew dị na Budapest, Hungary. Rev. John Buchanan, onye ọkachamara maka fern n'ógbè ahụ nke bipụtara ndepụta nke Natal ferns n'afọ 1875, nyeere Medley Wood aka n'ìgwè ahụ. N'afọ 1880, Anton Rehmann, onye Austria gụrụ maka akụmakụ, mere njem nleta gaa Natal ma weghara nchịkọta nke Wood.

N'ihi mmasị na-arịwanye elu n'ihe gbasara akụmakụ, ọ nakweere ọkwá onye nlekọta nke Ogige Akụmakụ nke Durban n'afọ 1882. Site na mmasị ya na osisi ndị a na-akụ akụ, o gosipụtara ịdị mma nke okpete Uba (Saccharum Sinense L.) , maka ọnọdụ na Natal. N'ime afọ ndị a, ọ chịkọtara osisi n'ụzọ sara mbara na Natal niile ma jiri herbaria mba ọzọ gbanwere.

Ọ nọ na-akwadebe mpịakọta nke asaa nke Akụmakụ Natal n'oge ọnwụ ya n'afọ 1915. A na-echeta ya na ụdị Woodia Schltr. , Woodiella Sydow na ọnụ ọgụgụ dị ukwuu nke aha ụdị gụnyere nke Encephalartos woodii Sander, nke ọ chọpụtara na mbụ.

A họpụtara ya ka ọ bụrụ onye òtù nke Linnean Society of London n'afọ 1887 ma nye ya nzere D.Sc. site na Mahadum Cape Town n'afọ 1913.

Akwụkwọ ndị O bipụtara

• Medley Wood (1877). A Popular Description of the Natal Ferns: Designed for the Use of Amateurs, &c. Durban. 
• The Classification of Ferns. 1879
• An Analytical Key to the Natural Orders and Genera of Natal Indigenous Plants. 1888
• Ndepụta Mbụ nke Osisi Natal. 1894
• na mpịakọta isii, (Mpịakọta 1 na MS Evans) (nke Miss F.Lauth na Miss M.Franks sere) Medley Wood [1898-1912] (1912). Natal Plants: Descriptions and Figures of Natal Indigenous Plants, with Notes on Their Distribution Economic Value, Native Names, Etc., Etc. Bennett & Davis. 
• Handbook to the Flora of Natal. 1907