Lisa E. Bloom

Lisa E. Bloom (amụrụ n'afọ 1958) bụ onye Amerịka na-akatọ omenala, onye nkuzi na onye na-akọ akụkọ ihe nkà ụmụ nwanyị mere eme ,onye bụ ọkachamara na ọmụmụ ihe gbasara mpaghara ugwu na ndịda ụwa, nkà nke oge a, nkà gburugburu ebe obibi, akụkọ ihe mere e ji ese foto, omenala a na-ahụ anya na ọmụmụ ihe nkiri, a makwara ya maka akwụkwọ ya na edemede ya na mpaghara ndị a.

Agụmakwụkwọ

Lisa E. Bloom nwetara nzere B.A. site na Trinity College (Connecticut) na akụkọ nkà mere eme, MFA na Akụkọ ihe FOTO mere eme na Rochester Institute of Technology nakwa site na Visual Studies Workshop ma nwete Ph.D. site na History of Consciousness Program, Mahadum California, Santa Cruz ebe o mere edemede ya n'okpuru nduzi nke James Clifford, Donna Haraway, na Hayden White. Ọ nwetakwara Andrew W. Mellon Foundation Postdoctoral Fellowship na Mahadum Stanford (1993-1995) na postdoctoral fellowship na Pembroke Center for Teaching and Research on Women na Mahadum Brown.

Nkụzi

Bloom akụziela akụkọ nkà mere eme na ọmụmụ omenala na Mahadum California, San Diego, Mahadum Josai International, Mahadum California, Irvine; Mahadum San Francisco State, San Francisco Art Institute na Mahadum California, Santa Cruz. Ọ bụkwa ọkà mmụta nleta na UCLA Center for the Study of Women . Ugbu a, ọ bụ onye ọkà mmụta bi na Beatrice Bain Center na ngalaba nke ọmụmụ okike na ọmụmụ ụmụ nwanyị na Mahadum California, Berkeley.

Ọrụ Bloom na-aga n'ihu na okike, mgbanwe ihu igwe na mpaghara ugwu na ndịda ụwa gụnyere mbipụta pụrụ iche gbasara nkà mpaghara ugwu na ndịda ụwa na akwụkwọ akụkọ The Scholar and Feminist Online nke ya na Laura Kay na Elena Glasberg deziri (2008), edemede nke afọ 2012 gbasara mgbanwe ihu igwe, nkà , na mpaghara ugwu na ndịda ụwa nke ya na Elena Glasberg dere nke akpọrọ "Disappearing Ice and Missing Data: Visual Culture of the Polar Regions and Global Warming", na edemede nke afọ 2015 gbasara mmanụ na mpaghara ugwu na ndịda ụwa akpọrọ "Witnessing Climate Change: Oil, Geopolitics and Landscapes of Invisibility". Akwụkwọ ndị sochirinụ na 2020 gụnyere "Planetary Precarity and feminist environmental art practices in Antarctica," na edemede ya nke 2021 "At Memory's Edge: Climate Trauma in the Arctic Through Film".

Akwụkwọ na ntinye aka n'edemede

Bloom bụ onye dere ọtụtụ akwụkwọ, gụnyere Gender on Ice: American Ideologies of Polar Expeditions (1993), nke bụ akwụkwọ nkatọ mbụ na Akitiki na Antarktiki nke e dere site n'echiche nkwado nha ụmụ nwanyị. Akwụkwọ a bụ nke ọmụmụ mpaghara ugwu na ndịda ụwa na akwụkwọ nyocha mpaghara ugwu na ndịda ụwa ka ndị Women's Review of Books kọwara dị ka, "...akụkụ nke mgbalị ogologo oge iji degharịa akụkọ ihe ochie mere eme nke ndị na-egosi mmekọahụ na ịkpa ókè agbụrụ nchọpụta". Publishers Weekly kọwara ya dị ka "ihe akaebe maka edemede ya dị mkpa na-adọrọ mmasị".

Akwụkwọ edemede ya nke akpọrọ With Other Eyes: Looking at Race and Gender in Visual Culture (1999), na-egosi otu esi etinye nchegbu gbasara nha ụmụ nwanyị, ọchịchị mgbe ọchịchị akaike gasịrị na mgbochi ịkpa ókè agbụrụ n'ime akụkọ ihe nkà mere eme. ma gụnye edemede nke Irit Rogoff, Jennifer Gonzalez, Caren Kaplan, Inderpal Grewal, Griselda Pollock, Zoe Leonard, Francette Pacteau, na ndị ọzọ. Ọrụ ya n'isiokwu a na-aga n'ihu na edemede ya gbasara ndị na-ese ihe dịka Isaac Julien, Eleanor Antin, Connie Samaras, Natalie Talec, na Katja Aglert [4] nakwa n'edemede gbasara nkà ndị na-akwado nha ụmụ nwanyị nke oge a na China na Japan na akụkọ ihe mere eme dị ka Feminism na Visual Culture, nke Amelia Jones dezigharịrị na Visual Culture Reader, nke Nicholas Mirzoeff dezigharị.

Ọ bụkwa onye dere akwụkwọ Jewish Identities in U.S. Feminist Art: Ghosts of Ethnicity (2006), nke na-enyocha ebe ndị Juu nọ na nkà ụmụ nwanyị na United States. A kọwara ya na akwụkwọ akụkọ Art History dị ka nke na-ekwu maka isiokwu a na-akọwaghị nke ọma ma sie ike ikwu maka ya. Ọrụ ya na-aga n'ihu n'ógbè a gụnyere edemede "Ghosts of Ethnicity: Jewish Identities in American Feminist Art" (2007), na "Barbies's Jewish Roots: Jewish Women's Bodies and Feminist Art " (2008).

Ọrụ Bloom na-aga n'ihu na okike, mgbanwe ihu igwe na mpaghara ugwu na ndịda ụwa gụnyere mbipụta pụrụ iche na nkà polar na akwụkwọ akụkọ The Scholar and Feminist Online nke ya na Laura Kay na Elena Glasberg deziri (2008), edemede nke afọ 2012 gbasara mgbanwe ihu igwe, nkà, na mpaghara ugwu na ndịda ụwa nke ya na Elena Glasberg dere nke akpọrọ "Disappearing Ice and Missing Data: Visual Culture of the Polar Regions and Global Warming", nakwa edemede nke afọ 2015 gbasara mmanụ na mpaghara ugwu na ndịda ụwa akpọrọ "Witnessing Climate Change: Oil, Geopolitics and Landscapes of Invisibility".

N'akwụkwọ ya kachasị ọhụrụ, Climate Change and the New Polar Aesthetics: Artists Reimagine the Arctic and Antarctic, nke Duke University Press bipụtara na 2022, Bloom tụlere otu ndị na-ese ihe, ndị na-eme ihe nkiri, na ndị na-arụ ọrụ na Akitiki na Antarktiki si egosipụta nsogbu gburugburu ebe obibi anyị ugbu a ma na-eweghachite nghọta ọha na eze banyere ha. Ọ na-etinye aka n'ụzọ ndị na-akwado nha ụmụ nwanyị, ndị isi ojii, na ndị na-abụghị ndị ọdịda anyanwụ iji leba anya n'ihe gbasara ahụmịhe nke Anthropocene na ọdịda gburugburu ebe obibi ya, mmụba nke oke osimiri, na mbugharị nke ihu igwe. N'adịghị ka ngosipụta mgbasa ozi nke mgbanwe ihu igwe nke gosipụtara ihe ngosi nke apọkalips nke ice na-agbaze n'ebe dị anya na anụ ọhịa bea, ndị na-ese ihe dịka Katja Aglert, Subhankar Banerjee, Ursula Biemann, Joyce Campbell, Judit Hersko, Roni Horn, Isaac Julien, Zacharias Kunuk, Brenda Longfellow, Connie Samaras, na ndị otu na-akwado ikike ndị na-eme nkà (Liberate Tate, Not an Alternative, na ndị Yes Men), na-eji usoro uri na ndọrọ ndọrọ ọchịchị dị mgbagwoju anya. N'ihe nkiri ha na nkà anya na nkà echiche ha, ndị omenkà a na-ejikọta mgbanwe ihu igwe na mmalite mmekọrịta mmadụ na ibe ya na ọchịchị nchịgbu, ọchịchị ego, ebe ha na-agbagha iwepụ ozi gbasara mbibi gburugburu ebe obibi ma na-akatọ ụlọ ọrụ nkà ọdịda anyanwụ maka isonye ha. Nnyocha na nkọwa Bloom banyere mpaghara ugwu na ndịda ụwa n'ụwa ọhụrụ na-eme ka mmebi gburugburu ebe obibi dịkwuo mfe nghọta ma na-egosi na ụlọ ọrụ ndọrọ ndọrọ ọchịchị anyị bụ isi na n'ichepụta na iwulite ụwa ka mma. Edensibịa maka mgbasa ozi nke akwụkwọ Duke UP: https://www.dukeupress.edu/climate-change-and-the-new-polar-aesthetics

Njikọ mpụga

• Lisa Bloom Bio si UCLA