Little Rot

Little Rot bụ akwụkwọ Akwaeke Emezi dere n'afọ 2024. Akwụkwọ a na-esochi ndụ ndị enyi ise ndị dabara n’ime mgbagwoju anya nke mmekọahụ, ụgha, na nrụrụ aka.

Nchịkọta

Little Rot bụ akụkọ a na-esochi ndị enyi ise chere na ha ga-enwe abalị dị ụtọ, mana ha mechara banye n’ime nsogbu na ihe egwu. Akụkọ a na-elekwasị anya n’otu di na nwunye ana akpọ Aima na Kalu si kewara (ịgba arukwaghim) n'agbanyeghi ọtụtụ afọ ha bigoro.

Kalu, ka obi ka na-afụ ya mgbu n’ihi nkewa ya na Aima, gara oriri mmekọahụ nke enyi ya Ahmed haziri. Mkpebi a tinyere ya na ndị enyi ya n’ime usoro ihe omume jupụtara n’ime ihe ike na nsogbu siri ike. Ndị nwanyị abụọ Naijiria na-arụ ọrụ mmekọahụ, Ola na Suoraya, ndị si Kuala Lumpur bịa, sokwa tinye aka n’ime nsogbu a ka ha na-achọ ụzọ isi gbanahụ ụwa mpụ dị ize ndụ nke obodo ahụ.

Ndị agwa

• Aima – onye bụbu onye mmekọ Kalu, nkewa ha kpatara ihe niile.
• Kalu – nwa okorobịa na-agbalị ịnagide mgbu obi na mgbanwe ndụ ya.
• Ahmed – enyi Kalu nke haziri oriri mmekọahụ ahụ.
• Ola – nwanyị na-arụ ọrụ mmekọahụ nke tinyere aka n’ihe omume ahụ.
• Suoraya – enyi Ola, kwa onye na-arụ ọrụ mmekọahụ, onye sokwa banye n’ime nsogbu ahụ.

Nnabata

Chelsea Leu nke The New York Times kọwara njedebe akwụkwọ ahụ dị ka nke nwere “ihe mgbagwoju anya na nke na-awụ akpata oyi nke na-adọtakwa onye na-agụ ya n’ime ya”.

Carol V. Bell nke Los Angeles Times kọwara Little Rot dị ka “ịda n’ime ọchịchịrị nke na-atọ ụtọ ma sie ike ịnagide”.

Chicago Review of Books toro akwụkwọ ahụ dị ka njem na-akpali akpali n’ime omimi nke mmadụ na ebe obibi ha, ebe Kirkus Reviews kọwara ya dị ka “akụkọ ịhụnanya nke oge a maka ndị na-enwe obi nkoropụ na ndị na-ajụ echiche ọdịnala”.