Miriam Freund-Rosenthal

Miriam Freund-Rosenthal

Miriam Kottler Freund-Rosenthal (1906 - Jenụwarị 16, 1999) bụụrụ onye ndú obodo na mba America, nke a maara nke ọma maka ihe ntinye ya gasị dị ka onye isi oche nke Hadassah Women's Zionist Organization of America.

Ndụ onwe onye

A mụrụ Freund-Rosenthal na Brooklyn na Jenụwarị 1, 1906, [na-emegiderịta onwe ya] ma zụlite ya na Harlem na Perth Amboy, New Jersey.  Nwa Harry Kottler na Rebecca Zindler, onye òtù ụmụ nwanyị Zionist mbụ na East Side, ndị (Ada Zion) Daughters of Zion . Ọ nwetara nzere bachelọ ya na Hunter College n'afọ 1925, wee gaa n'ihu nweta nzere masta na nzere ọkankuzi ya na akụkọ ihe mere eme nke America na Mahadum New York n'afọ 1935, ebe ọ sonyeere òtù Alpha Epsilon Phi .

N'afọ 1927, ọ lụrụ Milton B. Freund, onye ya na ya mụtara ụmụ nwoke abụọ, Matthew na Harry, tupu ya anwụọ n'ihi nkụchi obi n'afọ 1968. Ọ lụrụ di ọzọ, Harry Rosenthal, onye na-ebubata uwe egwuregwu ụmụ nwoke, n'afọ 1974, ma mesịa kwaga n'ụlọ ya na Saint Paul, Minnesota.

N'afọ 1999, Freund-Rosenthal nwụrụ na Miami Beach mgbe ọ dị afọ irí itoolu na abụọ.

Ọrụ Ya

Freund-Rosenthal kụziri na New York City Public Schools afọ iri na ise ruo 1944. Ọ rụkwara ọrụ dị mkpa n'ịchịkọta ego iji guzobe Mahadum Brandeis n'afọ 1948.

Hadassah

N'ime ọkara ikpeazụ nke afọ ndị 1930 hà, mgbe njem mbụ ya gaa na Israel gasịrị, a gwara Freund-Rosenthal ka ọ gwa ndị òtù Hadassah okwu banyere nleta ya. N'afọ 1940, a gwara ya ka ọ sonye na ụlọ ọrụ mba nke Hadassah Women's Zionist Organization of America. Ọ hapụrụ Hadassah n'afọ 1942 tupu ọ gbaa ọrụ ya dị ka onye nkuzi ụlọ akwụkwọ ọha na eze arụkwaghịm ma laghachi Hadassah n'afọ 1943, mgbe ọ ghọrọ onyeisi oche nke American Zionist Youth Commission. N'agbata afọ 1943 na 1956 o nwere ọkwa dị iche iche nke Hadassah National Board gụnyere oche isi oche National Vocational Education, onye isi oche National Youth Aliyah, nakwa osote onye isi oche.

Site n'aka ekpe gaa n'aka nri: Moshe Sharett, Miriam Freund, Louis Lipsky, na Nahum Goldmann, 1960

N'afọ 1956, a họpụtara Freund-Rosenthal dịka onye isi oche

Mgbe Hadassah gasịrị

Freund-Rosenthal gara n'ihu na agụmakwụkwọ ya ka Hadassah gasịrị. Ọ bụ otu onye n'ime ndị guzobere World Bible Society. O weputara akwukwo, "Medicine and the Hebraic Tradition," na 25th International Congress of Orientalists. Mgbe ya na di ya nke abụọ kwagara Saint Paul, o nyere aka mepụta ego agụmakwụkwọ maka National Hadassah. Na ngwụcha afọ iri asatọ ya, ọ butere ụzọ ịhụ maka nchịkọta na ndezi nke A Tapestry of Hadassah Memories, nchịkọta ajụjụ ọnụ na akụkọ nke ndị isi Hadassah. N'afọ 1991, a họpụtara ya ka ọ bụrụ onye isi America nke International Center for University Teaching of Jewish Civilization .

Akwụkwọ Ya Gasị

• Ndị ahịa ndị Juu na Colonial America (1939). Thesis doctoral nke Freund-Rosenthal.
• Nkume maka okpueze (1963). Banyere windo Chagall na Jerusalem.
• Na Ndụ M: Ezinụlọ, Obodo, Zaịọn, (1989). Akwụkwọ ncheta na anya nostalgic na akụkọ ihe mere eme nke ndị Zionist na nso nso a.
• A Tapestry of Hadassah Memories (1994). Ọ bụ Freund-Rosenthal chịkọtara ya site na ederede na ncheta nke ihe karịrị ndị otu Hadassah 200.

Njikọ mpụga

• Ntuziaka maka Hadassah Archives on Long-term Deposit at the American Jewish Historical Society