Phillip Clancey

Phillip Alexander Clancey (26 Septemba 1917 - 18 Julaị 2001) bụ onye isi na ọmụmụ maka nnụnụ nke South Africa.

Mmalite Ndụ na agụmakwụkwọ

A mụrụ Phillip Clancey, zụlite ya, ọ ma gụọ akwụkwọ na Glasgow, Scotland. Ọ gụrụ akwụkwọ na Glasgow School of Art ebe a zụlitere nkà ya na nkà.

Ọrụ ya dịka onye Ọlụagha

Clancey jere ozi na 51st (Highland) Division na ndị agha Allied na Sicily na Ịtali n'oge Agha Ụwa nke Abụọ, ọ fọrọ nke nta ka ọ gbanahụ ọnwụ ma bụrụ onye ntị chiri n'otu ntị site na mgbawa ogbunigwe.

Mgbe ọ nwụsịrị n'afọ 2001, ihe nrite agha Clancey, tinyere "Gill Memorial Medal" ya ka City Coins, Cape Town, rere n'ọnụego dị ala n'afọ 2006, n'aha Clancey Estate. Ihe nrite ndị a niile, gụnyere Gill Memorial Medal bụ nke David R. Bennett - Onye isi oche nke Durban Natural Science Museum Trust zụrụ n'obere ego, ihe nrite ndị ahụ bụzi sozi na nchịkọta Bennett Military Medals

Òtù Clancey nke ihe nrite agha isii bụ (Nọmba Ọrụ) 913613 Gunner P.A. Clancey, Royal Artillery: 1939-45 Star; Italy Star; 1939-45 Defence Medal; 1939-45 War Medal; Efficiency Medal, Territorial (GviR, t.B) yana Coronation Medal, 1953, (EiiR).

Njem

N'afọ 1948-1949, ọ sonyeere Colonel Richard Meinertzhagen na njem ọmụmụ maka ụmụ nnụnụ gaa na Yemen, Aden, Somalia, Etiopia, Kenya na South Africa.

Ọ́kwá Ọ́bankà ndị Ọ Nọgasịrị

Clancey kwagara South Africa n'ọnwa Ọgọst 1950 iji were ọkwa Onye Nlekọta nke ọ́bankà Natal dị na Pietermaritzburg.

Ọ bụ Onye nduzi nke Durban Museum and Art Gallery site na 1 Jenụwarị 1952 ruo mgbe ọ lara ezumike nká na 25 Septemba 1982.

Clancey jere ozi dị ka onye isi oche nke Southern African Museums Association, onye isi oche of the Southern African Ornithological Society na onye isi oche nke Natal Bird Club.

Akwụkwọ

Clancey dere ọtụtụ ihe banyere ịkpọ aha nke ụmụ Nnụnụ Afrịka, na-akpọ ihe dị ka narị abụọ nke nnụnụ si Ndịda Afrịka aha.

• Nnụnụ nke Natal na Zululand (1964);
• The Gamebirds of Southern Africa (1967);
• Ndepụta nke Nnụnụ nke mpaghara South Africa (1965-1972);
• Ndepụta nke Nnụnụ nke Southern Mozambique (1970-1972);
• Onye so dee Mpịakọta nke Abụọ nke Atlas of Speciation of African Birds (1978);
• Onye isi nchịkọta akụkọ nke S.A.O.S. Checklist of Southern African Birds (1980);
• Nnụnụ Ndị Dị Iche N'Ebe Ndịda Afrịka (1985);
• Kingfishers of Sub-Saharan Africa, Onye na-ebipụta: Jonathan Ball Publishers (31 Disemba 1992)

  

• Nnụnụ nke Southern Mozambique. Ndị bipụtara ya: African Bird Book Publishing;

2 Rev Edition mbipụta (January 1996)   

• O nyere aka na The Atlas of Southern African Birds (1997).

Akwụkwọ ndị ọzọ o bipụtara dị ihe dị ka narị isii n'ọnụ ọgụ.

Ihe Nrite na Nkwanye Ùgwù

• Doctor of Science (DSc), Mahadum Natal;
• Gill Memorial Medal nke Southern African Ornithological Society (nke bụzi BirdLife South Africa ugbua). Gill Memorial Medal, nke South African Orinthological Society (nke bụzi Birdlife South Africa ugbua) nyere mbụ n'afọ 1960 ka a na-enye maka 'Ije ozi na ngalaba Ornithology na mpaghara ndịda Zambezi' ma bụrụ nke enyerela ya naanị ugboro iri abụọ na abụọ n'etiti afọ 1960 na 2016. Clancey bụ onye nke ise natara ihe nrite ahụ, n'afọ 1972;
• Ịbụ onye òtù nke Museums Association, London (maka ọrụ ya dị ka onye na-ahụ maka ọ́bankà;
• Onye òtù oge ndụ nsọpụrụ nke Southern African Ornithological Society (maka onyinye ornithological ya);
• Ndị ọzọ akpọwo ọtụtụ ụdị Nnụnụ aha Clancey iji sọpụrụ ya.
• A na-akpọ ụlọ ngosi PA Clancey na Durban Museum and Art Gallery aha ya.

Nchịkọta

• Clancey nyere ihe dị ka nchịkọta akpụkpọ nnụnụ dị ebe puku ise na narị ise (karịsịa Western Palaearctic) na National Museum of Scotland dị na Edinburgh;
• O nyekwara ihe karịrị akpụkpọ nnụnụ puku iri atọ na abụọ- nchịkọta a na-ewere dị ka nke kachasị mma n'Africa - nye Durban Museum and Art Gallery.

Ndụ ya mgbe e mesịrị

Phillip Clancey gara n'ihu dị ka onye òtù ime nchọpụta nke Durban Museum and Art Gallery ruo mgbe ọ nwụrụ n'afọ 2001, mgbe ọ dị afọ iri asatọ na atọ.

Edensibịa

• Obituary, R.J Dowsett, D Allan, R McGowan (2002), Phillip Alexander Clancey (1917-2001), Ibis 144 (2), 369-370.
• Na ncheta: Phillip Alexander Clancey, 1917-2001, David Allan, The Auk 120 (1):198-199, 2003