ShutItAllDown

ShutItAllDown bụ ngagharị iwe na-emegide mmekọrịta nwoke na nwaanyị na mmekpa ahụ nke ma nwoke ma nwaanyị na Namibia iji kwụsị mgbasa na ịga n'ihu nke ime ihe ike na mmekọahụ megide ụmụ nwanyị. Ngagharị iwe ahụ, nke malitere na 8 Ọktoba 2020, sochiri ogbugbu nke Shannon Wasserfall dị afọ 22 nke a kọrọ na a hụrụ ozu ya n'ili na-adịghị omimi dị nso na Walvis Bay, ọnwa 6 mgbe ọ furu efu.

Ntọala

N'abalị iri n'ọnwa Eprel afọ 2020, Shannon Wasserfall dị afọ iri abụọ na abụọ furu efu n'obodo Walvis Bay dị n'ụsọ oké osimiri. Ka o furu, obodo ndị mmadụ gbakọtara ọnụ site na iji mgbasa ozi mmekọrịta na-achọ ya. Mgbe ọnwa isii gachara, nna ya natara ozi ederede na-amaghị aha na agwa onye dere ya na e liri nwa ya nwanyị n'ili dị kilomita site n'obodo ahụ. O mechara gwa Ndị uwe ojii Namibia bụ ndị gara igwu ozu ahụ. Ka ụbọchị abụọ gachara, e jidere otu nwanyị na nwanne ya nwoke n'ihe gbasara ogbugbu Wasserfall.

Mmeghachi omume ọha na eze

Mgbe a kpughere nchọpụta nke ili, nnukwu ngagharị iwe sitere n'aka ndị na-eto eto Namibia dara na-achọ ka e kwụsị ndina n'ike na igbu ụmụ nwanyị na mba ahụ. Ndị na-eto eto jiri hashtag #ShutItAllDown mee ihe iji gbakọọ onwe ha na usoro mgbasa ozi mmekọrịta Twitter wee gaa n'okporo ámá iji katọọ ime ihe ike metụtara mmekọrịta nwoke na nwaanyị na okike.

Ngagharị iwe na obi ọjọọ ndị uwe ojii

Ihe omume nke ogbugbu Wasserfall dugara na ngagharị iwe mba niile. N'oge ngagharị iwe ahụ, ndị uwe ojii Namibia malitere imegide ndị na-eme ngagharị iwe wee jide ndị ntorobịa 25 gụnyere ndị nta akụkọ atọ na-akọ akụkọ ihe omume ahụ.

Nke a sochiri ihe fọrọ nke nta ka ọ bụrụ esemokwu ime ihe ike n'etiti ndị na-eme ngagharị iwe na ndị uwe ojii n'akụkụ Sam Nujoma Drive na etiti obodo Windhoek. Ndị na-eme ngagharị iwe e jidere gara na mgbasa ozi mmekọrịta iji katọọ mmeso ndị uwe ojii. E mechara boo ha ebubo ma hapụ ha. Na Mọnde 12 Ọktoba, ha pụtara n'ihu Ụlọikpe Margistrate nke Windhoek ebe ọtụtụ ndị na-eme ngagharị iwe sonyeere ha iji gaa n'ihu na ngagharị iwe ahụ.