Ọrụ Bekee
Ọrụ Bekee bụ ọrụ ndi gụrụ akwụkwo, ndi ọkachamara na ndi maara nke ekwe na-akụ na nhazi na nchikọta ụlọ ọrụ. Aha na-ewu ewu a na-akpọkwa ya bụ Ọrụ Oyibo. Ihe a na-akpọkwanụ onye na-arụ ya bụ onye ọrụ oyibo[1] ma ọbụ onye ọrụ bekee. A na-ahụkarị ndi ọrụ bekee na ụlọ ọrụ goomenti nile, ụlọ ọba ego na nnukwu ụlọ ọru ebe a na-ede ma na ahazi akwụkwọ ọrụ. Ọ bụ orụ a na-ahụ dika ihe enweghi mgbakasi ahụ. Ọrụ a nwekwara nkwalite na ọkwa dika afọ ole onye ahụ rugoro. Nkea pụtara na mmadụ nwere ike site na ọbere onye rigide ruo na agadi na ọrụ oyibo. A na-akwụ ndi ọrụ bekee ụgwọ ọnwa, nke gbadoro ụkwụ na ọkwa[2] onye ahụ nọ. E nwere ọtụtụ ihe e jiri mara ndi ọrụ bekee. Ha gụnyere ụdiri ekike ha na-eke aga ọrụ, etu ha si eme omume na etu ha si ekwu okwu. Ka ọ di taa, e jizikwa igwe kọmputa[3] arụ ọtụtụ ọrụ na ụlọ ọrụ nile enwere ndi ọrụ bekee. Nwoke na nwanyi na-alụkwa ọrụ bekee mana onwere ọtụtụ ndi na-ekwetaghi na ụmụ nwanyi ha ga-arụ ọrụ bekee n'ihi na ha kwenyere na ụdiri ọrụ ahụ ga-eme ka ndi nwanyi ha waa nnukwu anya.[4] Ma ka ọ di ugbua, ọrụ bekee agazuola mba nile nakwa mmadụ nile.