Aisha Rateb
| ụdịekere | nwanyị  |
|---|---|
| mba o sị | Egypt |
| aha n'asụsụ obodo | عائشة راتب |
| Aha enyere | A'isha |
| Ụbọchị ọmụmụ ya | 22 Febụwarị 1928 |
| Ebe ọmụmụ | Cairo |
| Ụbọchị ọnwụ ya | 4 Mee 2013 |
| Ebe ọ nwụrụ | Giza |
| ihe kpatara ọnwụ | cardiovascular disease |
| Asụsụ obodo | Egyptian Arabic |
| asụsụ ọ na-asụ, na-ede ma ọ bụ were na-ebinye aka | Arabic, Egyptian Arabic |
| Ọrụ ọ na-arụ | Onye ndọrọ ndọrọ ọchịchị, onye ọka iwu, diplomat, Odee akwụkwọ |
| onye were ọrụ | Cairo University |
| Ọkwá o ji | ambassador of Egypt to Denmark, ambassador of Egypt to Germany |
| ebe agụmakwụkwọ | Cairo University |
Aisha Rateb (February 22, na afọ 1928, May 4, na afọ 2013) bụ onye ọka iwu Ijipt, onye ndọrọ ndọrọ ọchịchị, na nwanyị mbụ bụ onye nnọchi anya Ijipt. Ọ bụkwa Onye Ọkachamara nke iwu mba ụwa na Mahadum Cairo .[1]
Akụkọ ndụ[dezie | dezie ebe o si]
A mụrụ Rateb na Cairo n'ezinụlọ gụrụ akwụkwọ.[2]
Agụmakwụkwọ[dezie | dezie ebe o si]
Mgbe ọ gara kọleji, ọ malitere ịmụ akwụkwọ na Mahadum Cairo, mana ọ gbanwere na iwu mgbe naanị otu izu nke ọmụmụ gasịrị.[2] Rateb gụsịrị akwụkwọ na Mahadum Cairo na afọ 1949, gara Paris obere oge maka agụmakwụkwọ ọzọ wee nweta PhD ya na iwu na afọ 1955.[2]
Rateb tinyere akwụkwọ ka ọ bụrụ onye ọka ikpe na Conseil de'Etat (ụlọ ikpe kachasị elu n'Ijipt) na afọ 1949, a jụrụ ya n'ihi okike ya.[3] Praịm minista nke oge ahụ, Hussein Serry Pasha, kwuru na inwe nwanyị ọkàikpe bụ "megidere omenala nke ọha mmadụ".[2] Ọ gbara gọọmentị akwụkwọ n'ihi na e mebiri ikike iwu ya.[4] Ikpe ya bụ nke mbụ n'ụdị ya n'Ijipt, mgbe ọ meriri ikpe ahụ, onye isi nke State Council, Abdel-Razek al-Sanhouri, nabatara ya, na ọ meriri naanị n'ihi ihe ndọrọ ndọrọ ọchịchị na ọdịbendị, ọ bụghị dabere na iwu Ijipt ma ọ bụ Sharia.[5][6] Ikpe ahụ na echiche edere nke al-Sanhouri gbara ụmụ nwanyị ndị ọzọ ume ịgbaso ya, ọ bụ ezie na ọ dịghị onye ghọrọ ndị ọka ikpe ruo n'afọ 2003, mgbe a họpụtara Tahani al-Gebali dị ka onye ọka ikpe.[7] N'afọ 2010, praịm minista Ijipt nyere iwu ka a nyochaa mkpebi e mere n'oge na-adịbeghị anya megide ikwe ka ụmụ nwanyị bụrụ ndị ọkàikpe.[8] N'ọnwa Julaị, afọ 2015, e mechara ṅụọ iyi ụmụ nwanyị iri abụọ na isii dị ka ndị ọkàikpe.[6]
Ọrụ ndọrọ ndọrọ ọchịchị[dezie | dezie ebe o si]
Rateb so na Central Committee nke Arab Socialist Union na afọ 1971, ebe o nyere aka dee iwu ọhụrụ maka Ijipt.[2] N'ime ndị otu kọmitii niile, ọ bụ naanị ya megidere "ike pụrụ iche nke Iwu nyere onye isi ala nke oge ahụ Anwar al-Sadat".[2]
Mgbe nke ahụ gasịrị, ọ rụrụ ọrụ dị ka Minista nke Inshọransị na Mmekọrịta Ọha site na afo 1974 ruo na afọ 1977, ọ bụkwa nwanyị nke abụọ nwere ọkwa ahụ.[9] N'oge ọ nọ n'ebe ahụ, o nwere ike ime mgbanwe maka ụmụ nwanyị na mba ahụ. Rateb nwere ike ime nke a ọbụlagodi mgbe ndị Sheikh na-akwado okpukpe gbalịrị imebi aha ya.[10] Rateb gara n'ihu na-etinye ihe mgbochi na ịlụ karịa otu nwanyị ma hụ na ịgba alụkwaghịm bụ naanị iwu ma ọ bụrụ na onye ọka ikpe hụrụ ya. Ọ rụkwara ọrụ iji nyere ndị dara ogbenye aka, ma mee iwu iji nyere ndị nwere nkwarụ aka were ha n'ọrụ.[2] Mgbe gọọmentị wepụrụ enyemaka maka ihe ndị dị mkpa, nke ga-emetụta ụmụ amaala kacha daa ogbenye n'Ijipt, ọ gbara arụkwaghịm na afọ 1977 n'oge nnupụisi achịcha.[2]
N'afọ 1979, a họpụtara Rateb dị ka nwanyị mbụ bụ onye nnọchi anya Ijipt.[11] Dị ka onye nnọchi anya, ọ duziri Ijipt na "ọnọdụ dị mma n'ụwa nke mmekọrịta mba ụwa dị iche iche".[9] Ọ bụ onye nnọchi anya na Denmark site na afọ 1979 ruo na afọ 1981 na Federal Republic of Germany site na afọ 1981 ruo na afọ 1984.[1]
Rateb katọrọ onye bụbu onye isi ala Ijipt bụ Hosni Mubarak n'ihi na o chere na ọchịchị ya mepụtara nkewa dị ukwuu n'etiti ndị ọgaranya na ndị ogbenye.[9]
Ọnwụ[dezie | dezie ebe o si]
Rateb nwụrụ na Giza mgbe obi kwụsịrị na mberede na afọ 2013.
Hụkwa[dezie | dezie ebe o si]
- Ụmụ nwanyị ndị ọka iwu mbụ gburugburu ụwa
Ebenside[dezie | dezie ebe o si]
- ↑ 1.0 1.1 Arab Women by First Name - All. Dubai Women's College. Archived from the original on 14 June 2006. Retrieved on 15 September 2015.
- ↑ 2.0 2.1 2.2 2.3 2.4 2.5 2.6 2.7 Reda. "Aisha Rateb (1928-2013)", Watani, 24 May 2013. Retrieved on 15 September 2015.
- ↑ Hatem (1994). "Privatization and the Demise of State Feminism in Egypt", Mortgaging Women's Lives: Feminist Critiques of Structural Adjustment. United Nations, 41. ISBN 1856491013.
- ↑ Aisha Rateb. Egypt Today (20 November 2013). Archived from the original on 16 December 2014. Retrieved on 15 September 2015.
- ↑ Elbendary (January 2003). "Women On the Bench". Al-Ahram (620). Retrieved on 15 September 2015.
- ↑ 6.0 6.1 Messieh. "A Win for Women in Egypt's Courts", Atlantic Council, 22 July 2015. Retrieved on 15 September 2015.
- ↑ Khalil. "Egypt's First Female Judge May Remain 'The Only'", Women's eNews, 23 September 2003. Retrieved on 15 September 2015.
- ↑ Kenyon. "Female Judges In Egypt Battle Against Old Ideas", NPR, 3 April 2010. Retrieved on 15 September 2015.
- ↑ 9.0 9.1 9.2 Sami (9 May 2013). "Obituary: Aisha Rateb (1928-2013) Women's Struggle: One Champion Down". Al-Ahram Weekly (1147). Retrieved on 15 September 2015.
- ↑ Sadat (1987). A Woman of Egypt. New York: Simon & Schuster, 360. ISBN 0743237080.
- ↑ Sullivan (1986). Women in Egyptian Public Life. Syracuse, New York: Syracuse University Press, 82. ISBN 0815623542.