Baishali Dalmiya

 

Baishali Dalmiya bụ onye isi ụlọ ọrụ na-ewu ụlọ ML Dalmiya & Co. Ltd.[1] Ọ bụbu onye so na West Bengal Legislative Assembly. Site na 2016 ruo Eprel 2021 ọ nọchitere anya ọgbakọ Mgbakọ Bally.[2][3][4] Ọ bụ ada onye nchịkwa cricket India na onye ọchụnta ego Jagmohan Dalmiya..

Ọ sonyere na ndọrọ ndọrọ ọchịchị na 2016, obere oge ka nna ya nwụsịrị, wee sonye na All India Trinamool Congress, e nyere ya tiketi ịzọ ọkwa nhoputa ndi ochichi site na Bally Assembly Constituency, ma emesịa hoputa ya na ogbako steeti.

Na 22 Jenụwarị 2021, a chụpụrụ Baishali Dalmiya na All India Trinamool Congress maka ọrụ ndị na-emegide òtù. Na 30 Jenụwarị 2021, ọ sonyeere Bharatiya Janata Party ya na Rajib Banerjee, Prabir Ghoshal, Rathin Chakraborty na Rudranil Ghosh n'ihu Amit Shah na New Delhi. O sonyere na ntuli aka nke 2021 West Bengal Assembly site na Bally Assembly Constituency dị ka onye Bharatiya Janata Party ma merie onye All India Trinamool Congress Dr. Rana Chatterjee.

Arụmụka

N'abalị iri na atọ n'ọnwa Eprel afọ 2015, Calcutta Leather Complex Tanner's Association tinyere akwụkwọ mkpesa maka ịghọ aghụghọ na iji ego eme ihe n'ụzọ na-ezighị ezi megide M L Dalmiya & Co. Ltd. na ndị nduzi ya nke gụnyere Baishali Dalmiya na nwanne ya nwoke Avishek Dalmiya.Dị ka odeakwụkwọ ukwu Imran Ahmed Khan si kwuo, ndị uwe ojii gara ebe ahụ iji mee nyocha ma gbanwee mkpesa ahụ ka ọ bụrụ FIR (nke 90/15). Na 5 Machị 2021, onye nnọchi anya ntuli aka nke All India Trinamool Congress n'oge ahụ bụ Rana Chatterjee tinyere akwụkwọ mkpesa na Kọmitii Nhọrọ iji mee ihe megide Baishali Dalmiya maka igbochi ihe ndị a na-ahụ anya na ịghara inye ozi kwesịrị ekwesị gbasara mpụ na akwụkwọ nhọpụta ya.