Elise Rasoamampionona
Elise Rasoamampionona bụ onye ndọrọ ndọrọ ọchịchị Madagascar. N'afọ 1964, a họpụtara ya ka ọ bụrụ onye omebe iwu nke mba ahụ, nke mere ya nwanyị mbụ so na ya. N'afọ 1970, ọ bụ nwanyị mbụ a họpụtara na kansụl mgbe ọ ghọrọ odeakwụkwọ nke steeti maka ọdịmma ụmụ nwanyị na ụmụaka.
Akụkọ ndụ ya[dezie | dezie ebe o si]
Rasoamampionona sonyeere òtù ndọrọndọrọ ọchịchị Social Democratic Party wee bụrụ onye isi nke ngalaba ụmụ nwanyị òtù ahụ.[1] Ka Stéphenson Rajaona nwụchara na Disemba afọ 1963, Rasoamampionona bụụrụ naanị onye zọrọ ọkwa onye nnọchiteanya nke mpaghara isii na ntuli aka mmadụ ole na ole emere na Jenụwarị afọ 1964.[2] Mmadụ puku narị atọ na iri itoolu na asaa, narị itoolu na iri asatọ na ise n'ime mmadụ puku narị anọ na iri atọ na atọ n'ime ndị debanyere aha ha ịtụ vootu tụnyeere ya vootu, meziri ya ọ bụrụ nwanyị mbụ so na ndị omeiwu.[3][4] A họpụtara ya ọzọ ịnọchite anya mpaghara nke ise na ntuli aka emere n'afọ 1965, wee bụrụ osote onye ndú nke òtù ndọrọndọrọ ahụ.[2][5] N'afọ 1970, ọ ghọrọ nwanyị minista mbụ na Madagascar, mgbe a họpụtara ya ka ọ bụrụ odeakwụkwọ nke steeti maka ọdịmma ụmụ nwanyị na ụmụaka.[6][7]
Nwa ya nwoke Elise Razaka mechara bụrụ Minista na-ahụ maka ọkụ na ímipúta mmanụ ọnatarachi.[8]
Ihe odide[dezie | dezie ebe o si]
- ↑ Mervyn Brown (1995) A History of Madagascar, p299
- ↑ 2.0 2.1 Lucien Jamet (L'Assemblée Nationale Malagache
- ↑ Alain Spacensky (1970) Madagascar: 50 ans de vie politique : de Ralaimongo à Tsiranana, p413
- ↑ Des femmes en quête de voix EISA
- ↑ African Recorder, Volume 9, p2632
- ↑ Africa, 1970, p37
- ↑ Current World Leaders: Almanac, 1971, p51
- ↑ Elise Razaka Africa Intelligence