Haar (fog)

Haar na-abanye na Firth nke Forth, na-ekpuchi Forth Bridge.

Haar na-agafe n'elu Àkwà Mmiri Forth

Na ihu igwe, haar ma ọ bụ sea fret bụ alụlụ oyi nkè oké osimiri. Ọ na-emekarị n'ụsọ oké osimiri ọwụwa anyanwụ nké Great Britain n'etiti ọnwa Eprel na Septemba, mgbè ikuku na-ekpo ọkụ na-agafe Oké Osimiri North oyi. A makwaara ókwú ahụ dị ka harr, hare, harl, har na hoar.

Ihe Ndị Na-akpata ya

A na-emepụta Haar n'elu oké osimiri ma ifufe na-ebugharị ya n'ala. Nké a na-emekarị mgbè ikuku na-ekpo ọkụ na-ekpuchi n'elu Oké Osimiri North nké dị jụụ na-eme ka mmiri dị n'ime ikuku na-agbakọta, na-emepụta haar.

Ifufe mmiri na ifufe ọwụwa anyanwụ na-eweta haar n'ụsọ oké osimiri ọwụwa Anyanwụ Scotland na North-East England ébé ọ nwere ike ịga n'ihu ruo ọtụtụ kilomita n'ime ala. Nke a nwèrè ike ịbụ ihe a na-ahụkarị n'oge ọkọchị UK mgbè okpomọkụ nke ala na-emepụta ikuku oké osimiri, na-eweta haar site n'oké osimiri ma n'ihi ya nwéré ike belata okpomọkụ dị ukwuu ma e jiri ya tụnyere ndị dị naanị kilomita ole na ole n'ime ala.

Nomenclature

A na-eji okwu ahụ bụ haar mee ihe n'akụkụ ala ụfọdụ dị n'akụkụ Oké Osimiri North, karịsịa n'ébé ọwụwa anyanwụ Scotland na n'ebe ugwu ọwụwa Anyanwụ England. Ụdị dị íchè íchè nkè ókwú ahụ na Scots na Northern English gụnyere har, hare, harl, harr na hoar. Mmalite ya nwèrè njikọ na Middle Dutch haren, na-ezo aka n'ikuku oyi, nké dị nkọ. Na Yorkshire na Northumberland a na-akpọkarị ya fret mmiri.