Mabel Collins

Mabel Collins (9 Septemba 1851 - 31 Maachị 1927) bụ onye mgbochi vivisectionist nke Britain, onye mgbaasị na onye dere akwụkwọ karịrị iri ano na isii. Ọ bụ onye dị mkpa na otu nke Theosophical Societi n'oge ikpeazụ nke narị afọ nke iri na itoolu ma ọ bịara na-akatọ Helena Blavatsky na Theosophi mgbe a chụpụrụ ya na otu.

Ndụ

A mụrụ Collins na St Peter Port, Guernsey . Ọ bụ ada Mortimer Collins. Ọ bụ onye dere akwụkwọ nke akụkọ mgbaasị na-ewu ewu, onye ode akwụkwọ ejiji na onye mgbasa ozi mgbochi visection. Collins bụ onye isi oche nke Incorporated Parliamentary Association for the Abolition of Vivisection. Ọ bụ onye anaghị eri anụ .

Collins lụrụ di aha ya bu Robert Keningale Cook (1845–1886), onye na-ere ahịa ngwaahịa na onye ode akwụkwọ nke jikọtara ya na otu ndi Vegetarian Societi . Collins sonyeere Theosophical Societi n' afọ1880 wee nyere Helena Blavatsky aka na-edezi akwụkwọ ya maka akụkọ Lucifer. Collins hapụrụ Theosophical Societi n' afọ1889 maka nghọtahie di na nkuzi. Onye na-ede akụkọ ndụ Marion Meade ekwuola na a chụpụrụ Collins na Theosophical Societi maka iso ndị otu ndị ọzọ na-akpagharị mana nke a nwere obi abụọ dịka Blavatsky enweghị mmasị na Collins. Collins mechara bụrụ onye nkatọ nke Theosophi wee jikọta onwe ya na Elliott Coues na ịkatọ Blavatsky na nkwupụta sitere na otu Theosophical Societi.

Collins dere akwukwo The Idyll of the White Lotus (1884) ya na Light on the Path (1885). Ndị Theosophists gụnyere Charles Webster Leadbeater boro ebubo na ọ bụ ndị nna ukwu nke amamihe ochie nyere Collins akwụkwọ ndị a. Collins gọrọ agọ ebubo ndị a ma kwuo na ọ nweghị nna ukwu nyere akwụkwọ ndị ahụ, ya onwe ya dere ha. Ọ jụkwara iwebata Charles Leadbeater na ndetu na mbipụta Theosophical Publishing House nke Light on the Path n' afọ 1911.

N'afọ 1890, Collins na-eji aha iwu ya bụ Mabel Cook ma soro nwa ya biri n'okporo ámá iri isii na atọ York Terrace na obodo London. N'afọ 1909, o dere egwuregwu ndọrọ ndọrọ ọchịchị akpọrọ Outlawed na Alice Chapin. Chapin bụ onye America a mụrụ na-eme ihe nkiri bụ onye na-akwado ụmụ nwanyị. Ka ọ na-erule oge e mepụtara ya na Ụlọ Egwuregwu Ụlọikpe na Nọvemba afọ 1911, Chapin bụ onye omekome a mara ikpe maka agha ya.

N'afọ 1910, Collins ghọrọ onye edemede maka Nyocha mgbachi. O wepụtara nkwupụta na ọ na-arịa ahu ana akpo eczema afọ iri abụọ ma nweekwa ahụ mgbakasị ahụ. N'afọ 1915, ọ gara ka ya na enyi ya Catherine Metcalfe biri ma dee akwukwo Ọdịnihu Ebube Anyị . Ya na Metcalfe biri ruo mgbe ọ nwụrụ n'afọ 1927.

Njikọ na Robert Donston Stephenson

E boro Collins na Vittoria Cremers zutere Robert Donston Stephenson mgbe a tọhapụrụ ya na Ụlọ Ọgwụ London na Julaị afọ 1889 wee soro ya biri na Southsea n'oge 1890. Cremers kwuru na Collins na onwe ya bụ ndị mbụ chere na Stephenson bụ Jack the Ripper . Agbanyeghị, ekwenyebeghị ụdị nkwupụta a. Collins họọrọ ibi naanị ya ma ọ bụ naanị ya na ụmụ nwanyị mgbe di ya nwụsịrị na 1886 na Stephenson ekwughị na ya na Collins biri.

Akwụkwọ ndị ahọpụtara

• Light on the Path (1885)
• The Prettiest Woman in Warsaw (1885)
• Through the Gates of Gold (1887)
• The Blossom and the Fruit (1887)
• The Idyll of the White Lotus (1890)
• Morial the Mahatma (1892)
• Suggestion (1892)
• Juliet’s Lovers (1893)
• The Story of the Year (1895)
• The Star Sapphire (1896)
• A Cry From Afar (1905)
• Loves Chaplet (1905)
• Fragments of Thought and Life (1908)
• Outlawed (1909) with Alice Chapin - a play staged in 1911
• When the Sun Moves Northward (1912)
• The Transparent Jewel (1913)
• The Story of Sensa (1913) (A mystery play in three acts adapted from The Idyll of the White Lotus).
• As the Flower Grows (1915)