Martin Gauger
Martin Gauger (August 4, 1905 Elberfeld July 14, 1941 Pirna) bụ onye ọka iwu Germany na onye na-ahụ maka udo si Wuppertal, Rhenish Prussia. Ọ bụ onye otu Kreisau Circle nke chọrọ ịkwatu ọchịchị Nazi na Germany n'oge Agha Ụwa nke Abụọ.
Ọ bụ nwa nke ise n'ime ụmụ asatọ. Site n'afọ 1924-1930 ọ gụrụ sayensị iwu na akụ na ụba na Tübingen, Kiel, London, Berlin na Breslau. N'afọ 1934, dị ka onye ọka iwu n'ọfịs onye ọkàiwu ọha na eze na München-Gladbach, Gauger jụrụ ịṅụ iyi ịkwado Hitler ma gbaa arụkwaghịm n'ọrụ gọọmentị. N'ọkwa ọzọ dị ka onye ndụmọdụ iwu na <i id="mwFw">Bekenntniskirche</i> (chọọchị na-ekwupụta) o tinyere onwe ya n'òtù nnupụisi. N'abalị iri na asaa n'ọnwa Mee afọ 1940, ọ gbagara Netherlands site n'ịgba mmiri gafee Osimiri Rhine. N'ụzọ dị mwute, ọ bịarutere dịka Wehrmacht nke Germany wakporo mba ahụ na-anọpụ iche. E merụrụ ya ahụ ma jide ya, tụọ ya mkpọrọ ruo n'ọnwa June 1941 na Düsseldorf-Derendorf. N'ụbọchị 2 June, a kpọgara ya n'ogige ịta ahụhụ Buchenwald; n'ụbọchị 14 July 1941 e zigara ya na Sonnenstein Euthanasia Centre, ebe e gburu ya.