Uncama
Uncama bụ dike akụkọ ifo ọdịnala Zulu.[1] A maara ya maka njem I na aga n'okpuru ụwa na nloghachi ya mgbe o chọpụtara ihe gbasara ya.[2]
Ihe nnọchianya[dezie | dezie ebe o si]
Nkọwa nke Uncama na abukari site na ihe ọ gabigara n'okpuru ụwa, nke ọ gàrà n"ihi iwe ya na-ebe porcupine nke na'aga n' ogige ọka ya. A maara na o nwere nwunye, Mana ekwuputaghị aha ya n'akụkọ ifo ya.[2]
Njem n'okpuru ụwa[dezie | dezie ebe o si]
Uncama na nwunye ya biri n'otu obodo ma na-elekọta ubi ọka ya kwa ụbọchị. Otu ụbọchị, ọ chọpụtara na ọka ya, nke a na-eche na ha erugo maka owuwe ihe ubi, bụ nke porcupine riri. Nke a gara n'ihu ruo ọtụtụ ụbọchị, Uncama were wee iwe n"ebe porcupine ahụ nọ.[3]
Mgbe oge ụfọdụ gasirị, o kpebiri na ọ ga-eteta n'oge ka ya nwee ike ma soro porcupine ahụ laghachi ebe o si bịa. O jisiri ike mee nke a site n'enyemaka nke igirigi ụtụtụ. N'otu akụkọ, Uncama sooro ụzọ nke porcupine site n'ịchọta ụzọ ebe igirigi ụtụtụ gbasagoro.[4]
Na njedebe nke ụzọ porcupine gáfèrè, Uncama hụrụ oghere n'ala. O chere na ọ bụ olulu na-adịghị omimi, mana ka ọ na'agbadata, ọ dịghị njedebe ọ hụrụ.N'ikpeazụ, ọ ruru na njedebe nke oghere ahụ, wee chọpụta otu obodo, ebe ụmụaka na-ebe ákwá na anwụrụ ọkụ na agbagọ 'elu. Uncama tụrụ egwu na ọ nwere ike ịchọta onwe ya n'ebe obi ọjọọ, ya mere ọ gbapụrụ.[1]
Uncama mechara laghachi n'obodo ya. Mgbe ndị obodo ahụ na nwunye ya hụrụ ya, ọ tụrụ ha n'anya, ebe ọ bụ na ha chere na Uncama anwụọla ma lie ihe ya niile n"ọnọdụ ozu ya.[4]
Hụkwa[dezie | dezie ebe o si]
- Kwase Benefo
- Uhlakanyana
- Okpukpe ọdịnala ndị Zulu
Edemsibia[dezie | dezie ebe o si]
- ↑ 1.0 1.1 Lynch (2010). African Mythology, A to Z (in en). Infobase Publishing. ISBN 978-1-4381-3133-7.
- ↑ 2.0 2.1 Ford (1999). The Hero with an African Face: Mythic Wisdom of Traditional Africa (in en). Bantam Books. ISBN 978-0-553-10544-5.
- ↑ Scott (2015-02-10). The Encyclopedia of Hell: A Comprehensive Survey of the Underworld (in en). Macmillan. ISBN 978-1-4668-9119-7.
- ↑ 4.0 4.1 Callaway (1868). Nursery Tales, Traditions, and Histories of the Zulus, in their own words, with a Translation into English, and Notes: I (in en). John A. Blair, Trübner.