Jump to content

Grace Minor

Shí Wikipedia, njikotá édémédé nke onyobulạ
Grace Minor
mmádu
ụdịekerenwanyị Dezie
mba o sịLiberia Dezie
aha enyereGrace Dezie
aha ezinụlọ yaMinor Dezie
ụbọchị ọmụmụ ya31 Mee 1942 Dezie
asụsụ ọ na-asụ, na-ede ma ọ bụ were na-ebinye akaBekee Dezie
ọrụ ọ na-arụOnye ndọrọ ndọrọ ọchịchị Dezie
Ọkwá o jiMember of the Senate of Liberia Dezie
onye otu ndọrọ ndọrọ ọchịchịNational Patriotic Party Dezie

Grace Beatrice Minor (amụrụ na Mee 31, na afọ 1942) bụ onye ndọrọ ndọrọ ọchịchị Americo-Liberian bụ onye ya na onye isi ala Charles Taylor jikọrọ aka. Ọ rụrụ ọrụ dị ka Senator maka Montserrado County ma bụrụ onye isi oche Pro Tempore nke Senate site na afo 2002 ruo afọ 2003.[1]

Ọrụ

[dezie | dezie ebe o si]

N'afọ 1976, Minor bụ onye isi nke Congotown kacha ochie.[2] N'afọ 1980, a họpụtara ya ka ọ nọchite anya Congotown na ntuli aka na-abịanụ tupu nnupụisi ahụ.[3]

Minor bụ onye enyemaka kachasị elu na onye na-akọrọ Taylor obi mgbe ọ bụ onye isi nke General Services Agency, nke Samuel Doe boro ya ebubo na ọ na-emefu ihe fọrọ nke nta ka ọ bụrụ nde dollar US.[4] Mgbe ọ gbapụrụ n'ụlọ mkpọrọ na United States na afọ 1985, ọ laghachiri Liberia iji kwado ya n'ịtọ ntọala National Patriotic Front of Liberia na n'inye ego maka agha obodo.[5] Ọ meghere akaụntụ ụlọ akụ Switzerland maka ya na afọ 1993.[6] A na-ewere ya dị ka onye nke abụọ na usoro Taylor, dịka onye mmekọ ndọrọ ndọrọ ọchịchị na azụmaahịa ya, a na-ewere ọ dị ka "ike n'azụ ocheeze".[4][4][7] Minor bụ onye na-akwado "iwepụ" ndị isi Liberian na NPFL, omume nke jupụtara na afọ 1992 Economic Community of West African States boro NPFL ebubo mpụ agha.[8]

Mgbe e guzobesịrị National Patriotic Party na ihe ịga nke ọma Taylor na ntuli aka onye isi ala nke afọ 1997, a họpụtara Minor na Senate, naanị nwanyị nọ na gọọmentị. Mgbe ọnwụ nke onye nọ n'ọkwa Keikura B. Kpoto gasịrị, a họpụtara ya dịka onye isi oche nke Senate n'ọnwa Ọktoba afọ 2002, nwanyị mbụ nwere ọkwa ahụ.[9][10][11][12][13] Ọ zụrụ ụlọ na ụlọ ọrụ ndụmọdụ na Osu, Accra nke nwanne ya nwanyị na-elekọta. A họpụtara ọgọ ya nwoke, Monie Captan, ka ọ bụrụ Minista Na-ahụ Maka Mba Ọzọ.[14] N'afọ 2001, e debere ya na ndepụta nke ndị isi ndọrọ ndọrọ ọchịchị 120 nke United Nations Security Council nke a machibidoro ịga njem na mpụga Liberia.[15]

N'abalị iri abụọ na ise n'ọnwa Ọgọstụ n'afọ 2004, Kansụl Nchebe Mba Ndị Dị n'Otu gbakwunyere aha Minor na "Achịkọta Nchebe" ya n'okpuru Mkpebi 1521 n'ihi mmekọrịta ya na Taylor.[16] Minor na-ahụ maka itinye ego Taylor ma ọ dịkarịa ala ruo n'afọ 2005, mgbe ọ nọ n'ebe a chụgara ya, na-enyere ya aka "ịkpọbata ndị ozi, hazie njem ha, ma na-ahụkwa ego na-abịa ma na-apụ na Calabar".[15] Otú ọ dị, Leymah Gbowee na-ekwu na Minor "n'ụzọ dị jụụ" nyere ego dị ukwuu site na akụ na ụba nke onwe ya iji kwado Women of Liberia Mass Action for Peace.[17][15] E wepụrụ aha Minor na ndepụta UN abụọ ahụ na Nọvemba 28,na afọ a 2007.[18] N'afọ 2009, Truth and Reconciliation Commission tụrụ aro ka a machibido Minor, tinyere ọtụtụ ndị ọzọ, ikike ịnwe ọfịs ndọrọ ndọrọ ọchịchị na mba ọhụrụ ahụ ruo afọ iri atọ.[19] Ụlọikpe Kasị Elu kagburu mmachibido iwu ahụ na afọ 2011.

N'afọ 2014, Ụlọikpe Iwu Obodo nke Liberia kwupụtara na Minor "achọ" ya maka mbibi nke ihe onwunwe nke mere ka ezinụlọ 250 chụpụ na Congo Town.[20][21] E kwuru na ọ resịrị ụlọ ọrụ National Oil Company ala ahụ, nke ọ gọnahụrụ.[22]

Ebenside

[dezie | dezie ebe o si]
  1. ↑ Dunn (4 May 2011). The Annual Messages of the Presidents of Liberia 1848–2010: State of the Nation Addresses to the National Legislature. Walter de Gruyter. ISBN 9783598441691. 
  2. ↑ (1977) Presidential Papers: The first two years of the second administration January 1, 1976 – December 31, 1977. Press Division of the Executive Mansion Liberia, 100–102. 
  3. ↑ (1980) Sub-Saharan Africa Report, Issues 2219–2223. Foreign Broadcast Information Service. 
  4. ↑ 4.0 4.1 4.2 Williams (2002). Liberia: The Heart of Darkness : Accounts of Liberia's Civil War and Its Destabilizing Effects in West Africa. Trafford Publisher. ISBN 9781553692942. 
  5. ↑ Huband (2013). The Liberian Civil War. Routledge. ISBN 9781135252144. 
  6. ↑ The Usual Suspects: Liberia's Weapons and Mercenaries in Côte d'Ivoire and Sierra Leone: Why it's Still Possible, How it Works and How to Break the Trend. Global Witness (March 2003). Retrieved on February 11, 2017.
  7. ↑ Sesay (May 15, 2008). Summary from Charles Taylor at the Special Court for Sierra Leone. International Justice Monitor. Retrieved on February 11, 2017.
  8. ↑ Badmus (2009). "Explaining Women's Roles in the West African Tragic Triplet: Sierra Leone, Liberia, and Cote d'Ivoire in Comparative Perspective". Journal of Alternative Perspectives in the Social Sciences 1: 808–839. 
  9. ↑ Country Reports on Human Rights Practices Bureau of Democracy, Human Rights, and Labor 2002:Liberia. U.S. Department of State (March 31, 2003). Retrieved on February 11, 2017.
  10. ↑ Banks (2016). Political Handbook of the World 1998. Springer. ISBN 9781349149513. 
  11. ↑ Liberia Sanctions To Be Lifted If…. Insight News. Archived from the original on 2017-02-11. Retrieved on 2022-10-18.
  12. ↑ Liberia gets first woman Interim Senate President. Pana Press (October 2, 2002). Retrieved on February 11, 2017.
  13. ↑ Liberia: Female Elected As President Pro Tempore. The News. All Africa (October 2, 2002). Retrieved on February 11, 2017.
  14. ↑ Liberian Officials Scramble Over Homes in Ghana. New Democrat. Ghana Web (June 17, 2001). Retrieved on February 11, 2017.
  15. ↑ 15.0 15.1 15.2 Tripp (2015). Women and Power in Post-Conflict Africa. Cambridge University Press. ISBN 9781107115576. 
  16. ↑ Security Council Committee on Liberia Updates its Assets Freeze List. United Nations (August 26, 2004). Retrieved on February 11, 2017.
  17. ↑ Gbowee (2011). Mighty Be Our Powers. New York: Beast Books. 
  18. ↑ Government of Liberia Negotiate Firestone Agreement. Government of Liberi (December 3, 2007). Archived from the original on July 10, 2019. Retrieved on February 11, 2017.
  19. ↑ Truth Commission recommends 30-year ban for President Sirleaf, others. Nordic Africa News (July 2, 2009). Archived from the original on February 11, 2017. Retrieved on February 11, 2017.
  20. ↑ Daygbor (January 20, 2014). Liberia: Grace Minor Wanted. All Africa. Retrieved on February 11, 2017.
  21. ↑ Karmo (September 26, 2013). Liberia: Former Senator Grace Minor Speaks On Congo Town Land Crisis. Front Page Africa. All Africa. Retrieved on February 11, 2017.
  22. ↑ Daygbor (September 23, 2013). Liberia: Grace Minor Challenges NOCAL. The New Dawn. All Africa. Retrieved on February 11, 2017.
Ewepụtara na https://ig.wikipedia.org/w/index.php?title=Grace_Minor&oldid=123712