Lindiwe Zulu
| ụdịekere | nwanyị  |
|---|---|
| mba o sị | South Africa |
| Ụbọchị ọmụmụ ya | 21 Eprel 1958 |
| asụsụ ọ na-asụ, na-ede ma ọ bụ were na-ebinye aka | Bekee |
| Ọrụ ọ na-arụ | Onye ndọrọ ndọrọ ọchịchị |
| Ọkwá o ji | member of the National Assembly of South Africa, member of the National Assembly of South Africa, Minister of Social Development, Minister of Small Business Development |
| onye otu ndọrọ ndọrọ ọchịchị | African National Congress |
| kọwara na URL | https://www.parliament.gov.za/person-details/4205, https://www.pa.org.za/person/l-d-zulu/ |
Lindiwe Daphney Zulu (amụrụ na 21 Eprel 1958) bụ Minista na-ahụ maka mmepe ọha na eze na South Africa.[1]
Ọ bụ onye ndụmọdụ pụrụ iche nye Onye isi ala na mmekọrịta mba ụwa. Ọ rụrụ ọrụ dị ka onye isi nkwukọrịta maka nzukọ ụmụ nwanyị Africa PAN na Angola na 1988. N'afọ 1989, ọ kwagara Lusaka, Zambia ebe ọ nọ n'ọkwa onye isi nkwukọrịta na ngalaba ANC nke Religious Affairs. N'afọ 1990, ọ kwagara Uganda ebe ọ bụ onye isi nkwukọrịta na onye nchịkwa n'ọfịs ANC. N'afọ 1991, ọ laghachiri South Africa wee bụrụ onye isi nkwurịta okwu na ANC Women's League.
A họpụtara ya na Ngalaba Ozi na Mgbasa Ozi nke ANC dị ka ọnụ na-ekwuchitere ntuli aka ọchịchị onye kwuo uche ya mbụ. N'afọ 1994, ọ ghọrọ onye otu Gauteng Legislature na 1995 a họpụtara ya dịka osote onye isi oche nke Gauteng Legeslature. N'afọ 1999 ọ bụ onye ndụmọdụ pụrụ iche nye Minista na-ahụ maka ihe gbasara mba ofesi. N'afọ 2001, a họpụtara ya ka ọ bụrụ onye isi nchịkwa maka Western na Central Africa ruo n'afọ 2003 ebe ọ ghọrọ onye isi nchịk nke gọọmentị na mmekọrịta mba ụwa, Vodacom group. N'afọ 2004, ọ ghọrọ onye nnọchi anya South Africa na Brazil. N'afọ 2007, a họpụtara ya ka ọ bụrụ onye isi kọmitii nke mba ANC. N'afọ 2009, a họpụtara Ms Zulu ka ọ bụrụ onye omeiwu dị ka onye omeiwu na National Assembly. Ọ na-eje ozi ugbu a dị ka Minista nke Mmepe Ọha.[2]
Oge ọ malitere[dezie | dezie ebe o si]
A mụrụ Zulu na 21 Eprel 1958 n'obodo nta Nhlazatshe, Eastern Transvaal (nke bụzi Mpumalanga); Otú ọ dị, e bibiri obodo ahụ n'ala n'oge ịkpa ókè agbụrụ.[3] A manyere ndị obodo ahụ iguzobe ụlọ ọhụrụ na Madadeni, Newcastle nke dị na bantustan KwaZulu. Otú ọ dị, nne na nna Zulu, kwagara ezinụlọ ha na Swaziland ebe nne ya bụ onye Swazi si Gege. Ọ gụrụ akwụkwọ na ụlọ akwụkwọ St. Theresa na Mjingo tupu ọ gaa Swaziland Cooperative Development College na Ezulwini. Mgbe ahụ, ọ sonyeere African National Congress wee gaa mba ọzọ na Mozambique.[4]
Ndụ n'ebe a chụgara ya[dezie | dezie ebe o si]
Zulu gara Solomon Mahlangu Freedom College, SOMAFCO, na Mazimbu, Tanzania tupu ọ nweta agụmakwụkwọ iji mụọ akwụkwọ akụkọ na USSR. Ọ nọrọ afọ asaa na Moscow, nweta nzere masta na Journalism na asụsụ Russian. N'afọ 1987, ọ gara Angola maka ọzụzụ agha zuru oke na Pan Africanist Women's Organisation.
Ịlaghachi South Africa[dezie | dezie ebe o si]
Zulu si mba ọzọ lọta n'afọ 1992 ka ọ bụrụ onye isi nkwukọrịta na ANC Women's League. Ọ ghọrọ onye otu kọmitii na 1993.[5] N'afọ 1993, a kwadoro ya na ngalaba ozi na mgbasa ozi nke ANC dị ka ọnụ na-ekwuchitere ntuli aka ahụ. N'afọ 1994, ọ sonyeere ndị omeiwu Gauteng Provincial Legislature ma họpụta ya dịka osote onye isi oche n'afọ 1995. Site na 1999 ruo 2001 ọ bụ onye ndụmọdụ pụrụ iche nye Minista na-ahụ maka ihe gbasara mba ọzọ. Site na 2001 ruo 2003 ọ bụ Chief Director maka ọdịda anyanwụ na etiti Africa na Ngalaba Na-ahụ Maka Ihe Ndị Na-eme ná Mba Ọzọ. N'afọ 2004, e zigara ya na Brazil dị ka onye nnọchi anya South Africa ruo afọ anọ na ọkara. Kemgbe afọ 2009 ọ bụ onye omeiwu ANC. N'afọ 2013, a họpụtara ya na Kọmitii Ọrụ Mba nke ANC. Kemgbe afọ 2014 ọ nọ n'ọkwa Minista nke Mmepe Obere Azụmaahịa.[6] N'afọ 2018, e wepụrụ ya n'ịgha ụgha banyere ịzụta ụgbọala ndị minista nke a na-ebo ebubo na ọ furu R3.1m, mana n'ezie ọ furu R1.8m.[7]
Ndụ onwe onye[dezie | dezie ebe o si]
Zulu nwere ụmụ anọ: ụmụ nwanyị Nokuthula na Phindile, na ụmụ nwoke Sipho na Boitumelo. Zulu lụrụ Kgosietsile Itholeng, onye South Africa ibe ya nọ n'ebe a chụgara ya, onye ọ zutere na Angola. A na-akpọ nwa ya nwoke, Sipho, aha nna ya. Nwanne ya nwoke bụ onye otu Pan African Congress.
Ebensidee[dezie | dezie ebe o si]
- ↑ Biographical Notes: Minister Lindiwe Zulu. Department of Small Business Development. Archived from the original on 2017-05-22. Retrieved on 2022-10-18.
- ↑ Lindiwe Zulu. World Economic Forum. Retrieved on 22 December 2017.
- ↑ Observer. Retrieved on 15 January 2017.
- ↑ unknown. Zulu has earned her stripes as a cadre. Retrieved on 15 January 2017.
- ↑ New blood, new vigour: Lindiwe Zulu. Retrieved on 15 January 2017.
- ↑ Lindiwe Zulu - Who's Who SA. Retrieved on 15 January 2017.
- ↑ Gous. "Lindiwe Zulu did not lie to parliament about new cars: public protector", TIMES live, 31 October 2018. Retrieved on 1 November 2018.
Àtụ:Jacob Zuma cabinet 2Àtụ:Ramaphosa first cabinetÀtụ:Current MPs of South Africa