Ras el hanout
Ras el hanout maọbụ rass el hanout (Arabic: raʾs al-ḥānūt, Arabic pronunciation: ) bụ ngwakọta ihe na-esi ísì ụtọ nke a na-ahụ n'ụdị dị iche iche na obodo Tunisia, obodo Algeria, na obodo Morocco.[1] Aha ahụ na asusu Arabic pụtara "isi ụlọ ahịa" ma na-egosi ngwakọta nke ihe ndị na-esi ísì ụtọ kachasị mma onye na-ere ahịa nwere inye.[2] A na-eji Ras el hanout eme ihe n'ọtụtụ nri na-atọ ụtọ, mgbe ụfọdụ a na-agbanye ya n'anụ maọbụ azụ, maọbụ na-agbakọta ya na couscous, pasta maọbụ osikapa.
Enweghị ihe doro anya nke ihe na-esi ísì ụtọ na-eme ka ras el hanout. Ụlọ ahịa ọ bụla, ụlọ ọrụ, maọbụ ezinaụlọ nwere ike ịnwe ngwakọta nke ha. Ngwakọta ahụ na-enwekarị ihe karịrị iri na abụọ na-esi ísì ụtọ n'ụdị dị iche iche. Ihe ndị a na-ahụkarị gụnyere cardamom, cumin, clove, cinnamon, nutmeg, mace, allspice, ginger kpọrọ nkụ, chili peppers, mkpụrụ coriander, peppercorn, paprika na-atọ ụtọ ma na-ekpo ọkụ, fenugreek, ya na turmeric kpọrọ nkụ. Ụfọdụ ihe na-esi ísì ụtọ nwere ike ịbụ nke pụrụ iche na mpaghara ahụ, dịka mkpụrụ osisi ash, chufa, mkpụrụ nke paradaịs, mgbọrọgwụ orris, ose nke mọnk, cubebs, rosebud kpọrọ nkụ, mkpụrụ fennel maọbụ aniseed, galangal, ose ogologo. Enwere ike isi ihe ndị a na-etinye n'ọkụ tupu a gwọọ ha maọbụ kụọ ha n'ime ụrọ ma gwakọta ha. Nkwadebe ụfọdụ gụnyere nnu ma ọ bụ shuga, mana nke ahụ abụghị omume a nabatara. A naghị etinye galik, saffron, mkpụrụ osisi maọbụ ahịhịa kpọrọ nkụ, ebe ọ bụ na a na-agbakwunye ha na efere n'otu n'otu, mana ụfọdụ nkwadebe azụmahịa, ọkachasị na Europe na North America, nwere ike ịnwe ha.
Ụfọdụ aphrodisiacs a na-eche na ha bụ ndị na-eme ihe ike, ije ndi a gụnyere "green metallic beetles", cantharides, apụtala n'ọtụtụ usoro Moroccan ras el hanout, mana ndị a yiri ka ha abaghị uru maka ebumnuche ụtọ.[1]
Ihe edeturu[dezie | dezie ebe o si]
- ↑ 1.0 1.1 Alan Davidson (21 August 2014). The Oxford Companion to Food. Oxford: Oxford University Press, 671–672. ISBN 978-0-19-104072-6.
- ↑ "Ras el hanout" at bbc.com (retrieved 3 August 2016)