Sammy Oziti

Sammy Oziti

Mmádu

ụdịekere	nwanyị
mba o sị	Naijiria
Aha enyere	Sammy
Ụbọchị ọmụmụ ya	1 Jenụwarị 1983
Ọrụ ọ na-arụ	amateur wrestler
ụdị egwuregwu	wrestling

Sammy Oziti (onye nke amụrụ na ụbọchị mbụ n'ọnwa Jenụwarị n'afọ 1983) bụ onye Naịjirịa na agba mgba ụdị nke akpọrọ freestyle O ritere ihe nrite abụọ na Egwuregwu nke All-Africa Games n’agbata afọ 2003 na 2007. O nwetara akara isii na African Championship n’etiti 2006 na 2012. Ọ ritekwara ọla ọcha abụọ na Commonwealth Wrestling Championship n'afọ 2005 na 2013.

Ọrụ egwuregwu

Sammy Oziti bidoro ịgba mgba n'afọ 1998. Oge nke mbụ o sonyere na egwuregwu Africa bụ n'afọ 2003 na Abuja . Na emume a, o meriri ma nwee ihe nrite ọla edo mgbe o meriri onye ya na ya gbara mgba, onye obodo Tunisia nke aha ya bụ Bejaoui, Nour El Houda. N'afọ sochirinụ, o sonyere n'egwuregwu asọmpi maka ntozu ịga Olympics mana ọ gbatara onye nke itoolu.

Na afọ 2005, Sammy gbara asọmpi mbụ ya na Commonwealth Wrestling Championship na Stellenbosch, South Africa . Ọ gbatara onye nke abụọ wee nweta ihe nrite ọla ọcha, onye ya na ya sọrọmpi ahụ bụ Meena onye si India.

N'egwuregwu ịgba mgba nke Afrịka n'afọ 2006, o meriri ma nweta ihe nrite ọla edo mgbe o meriri Feten, Ghanmi na mmemme nke 48kg n'arọ nke emere na Pretoria, South Afrịka. N'afọ sochirinụ, o sonyekwara ọzọ n'otu asọmpi ahụ wee bata dịka onye nke abụọ mgbe Sambou, Isabella si Senegal gbara onye nke mbu. O nwetakwara ihe nrite ọla ọcha na Egwuregwu Afrịka nke emere n'afọ ahụ na Algeir. N'afọ 2008, Sammy sonyere n'asọmpi ịgba mgba nke Afrịka ọzọ ebe o mechara nweta nrite ọla ọcha ọzọ site na mmemme nke 48kg n'arọ.

Na afọ 2010, ọ bara asọmpi ọzọ wee merie ma rite ọla ọcha. Na asọmpi Afrịka nke afọ 2011 na 2012, Sammy nwetara nzere ọla kọpa abụọ. Mmeri ya na afọ 2012 dugara ya isonye na Asọmpi Olimpik ebe ọ nwetara ọkwa nke atọ na asọmpi nke 48kg n'arọ.

Na afọ 2013, ọ sonyere na asọmpi Commonwealth nke emere na Johannesburg, RSA. Ọ gbatara onye nke abụọ mgbe Nirmala Devi si India meriri ya. Ha gbara aka na ihe mmeme nke 48kg n'arọ Sammy weere ihe nrite ọla ọcha.